Вадохрышчанскія купання!
19 студзеня на тэрыторыі выратавальнай станцыі горада Кобрына будзе арганізаванае месца для вадохрышчанскіх купанняў
Кобрынская раённая арганізацыя АСВОД запрашае ўсіх, хто падтрымлівае традыцыі вадохрышчанскіх купанняў на тэрыторыю выратавальнай станцыі (г. Кобрын, вул. Беларуская, 40) 19 студзеня з 10:00 да 18:00, дзе будзе арганізавана месца для акунання.
Работнікі выратавальнай станцыі пры неабходнасці змогуць аказаць неабходную дапамогу. Несці дзяжурства будуць таксама супрацоўнікі Кобрынскага РАНС, Кобрынскага РАУС і медыцынскія работнікі.
Для выгоды на беразе будзе пастаўлена палатка для пераапранання.
ПАМЯТАЦЬ:
Акунацца ў палонку трэба асцярожна, кантраст тэмператур можа стаць прычынай спазмаў.
Пасля акунання трэба абавязкова цёпла апрануцца і сагрэцца гарбатай, але ні ў якім выпадку не спіртнымі напоямі.
Усім, хто вырашыў прыняць удзел у вадохрышчанскіх купаннях, трэба мець акрамя ручнікі сланцы і цёплы халат з капюшонам, каб хутка апрануцца пасля вады і дайсці да распранальні.
Спецыялісты не рэкамендуюць удзельнічаць у акунаннях у ледзяную ваду людзям з цяжкімі хранічнымі захворваннямі, для якіх рэзкая тэмпературная нагрузка небяспечная.
Нельга апускацца ў такую ваду і тым, хто пакутуе ад запаленчых працэсаў, сардэчна-сасудзістых захворванняў, захворванняў цэнтральнай нервовай сістэмы.
Такога роду водныя працэдуры ў вадохрышчанскія маразы абсалютна проціпаказаныя людзям з эпілепсіяй.
